Ka reaguar për herë të parë ish-kryeministri Sali Berisha për vendimin e DASH, i cili e shpalli ‘non grata’ në SHBA, bashkë me familjen e tij.
Përmes një statusi në ‘Facebook’, Berisha thekson se me vendimin u njoh nga mediat. Teksa shprehu keqardhje për vendimin në fjalë, Berisha shtoi se në 30 vite karrierë në politikë, nuk ishte akuzuar asnjëherë për korrupsion.
Në reagimin e tij, Berisha fton Sekretarin e Departamentit te Shtetit, Antony Blinken që të publikojë dokumentet ku faktohen pretendimet e SHBA-ve. “Dua te theksoj se vendimi juaj nuk mund të lekundë kurrë admirimin tim për vendin, kombin e madh e mik amerikan dhe miqtë e mi në SHBA.”, thekson Berisha.
Mes të tjerash ish-kryeministri deklaron se në lidhje me denoncimin e projektit për ndryshimin e kufijve të Kosovës ka marrë kërcnime.
“Përveç kesaj kam denoncuar i pari dhe me forcën me te madhe, publikisht dhe vetem publikisht, projektin e ndryshimit te Kufijve te Kosoves, i pregatiur nga fondacioni i George Sorosit ne Beograd, per çka dhe dhe jam kercnuar per pasoja, por natyrisht nuk jam impresionuar.”, shkruan më tej Berisha. Po ashtu ai shkruan se fëmijët e tij kanë përfituar nga fondet publike.