Ish-kryeministri i Shqipërisë, Sali Berisha, ka komentuar shkurt iniciativën “Ballkani i Hapur” në një takim që ka bërë me qytetarët në Tropojë. Ai ka akuzuar kryeministrin Edi Rama se nuk i ka ndihmuar Kosovës për tetë vjet sa ka qenë në qeverisje.
Berisha ka thënë se “Ballkani i Hapur” e ka rrethuar Kosovën me armiqësi.
- Advertisement -
Për Ramën, ai shtoi se nuk ka arritur as ta bindë ndonjë shtet që ta njohë Kosovën, derisa ka thënë se presidenti serb Aleksandës Vuçiq, të cilin e quajti “Slobodani i ri”, ta heqë nga mendja se “Ballkani i Hapur” do të kalojë në Shqipëri.
“Harroje se mund ta prekësh Kosovën”, ka thënë Berisha, ndërsa theksoi se nëse do të dojë paqe e bashkëpunim duhet ta njohë gjenocidin ndaj shqiptarëve.