Presidenti i SHBA-së, Joe Biden, shprehu mbështetjen e plotë rreth anëtarësimit të Suedisë dhe Finlandës në NATO, duke e quajtur atë “një ditë të rëndësishme” pas takimit me udhëheqësit e vendeve nordike në Shtëpinë e Bardhë.
“Sot jam krenar të mirëpres dhe të ofroj mbështetjen e fortë të Shteteve të Bashkuara për aplikimet e dy demokracive të mëdha dhe dy partnerëve të ngushtë, shumë të aftë, për t’u bashkuar me aleancën më të fortë, më të fuqishme mbrojtëse në historinë e botës. Dy vende të pavarura ushtrojnë të drejtën e tyre sovrane që të gjitha shtetet e posedojnë për të vendosur rreth sigurisë së tyre”, tha Biden në “Kopshtin e Trëndafilave” të Shtëpisë së Bardhë, ku ishin prezent edhe kryeministrja suedeze, Magdalena Andersson dhe presidenti finlandez, Sauli Niinisto, raporton cnn.
Ai më tutje deklaroi se SHBA-ja dhe NATO kanë pasur një përvojë të mirë të bashkëpunimit në kuadër të misionit të KFOR-it në Kosovë, transmeton Telegrafi.
“Trupat finlandeze dhe suedeze, tanimë kanë shërbyer krah për krah me forcat e SHBA-së dhe NATO-s në Kosovë, në Afganistan dhe në Irak. Finlanda dhe Suedia tashmë po punojnë në koordinim me Shtetet e Bashkuara, aleatët dhe partnerët tanë të tjerë për të mbështetur popullin e guximshëm të Ukrainës ndërsa mbrojnë lirinë e tyre kundër pushtimit rus”, shtoi Biden.
“Sot, nuk ka dyshim: NATO është e rëndësishme, tani është më efektive dhe më se e nevojshme se kurrë”, pohoi ai duke shtuar se “Suedia dhe Finlanda tashmë janë ndër partnerët tanë më të ngushtë për një sërë çështjesh”.
Ndryshe, Suedia dhe Finlanda gjatë ditës së djeshme kanë aplikuar për anëtarësim në NATO, e cila gjë po kushtëzohet nga Turqia dhe Kroacia.
Joe Biden says "Finland and Sweden make NATO stronger" as he confirms his administration is submitting, to the US congress, 'reports on NATO accession for both countries so the senate can move on advising and consenting to the treaty'.https://t.co/iOm40v5pVT pic.twitter.com/zs8WkoQg3w
— Sky News (@SkyNews) May 19, 2022