Në orët e hershmë të mëngjesit të sotëm ndërroi jetë gjyqtari i njohur kosovar, Shashivar Hoti. Lajmin për vdekjen e tij e konfirmuan familjarët.
Por, cila ishte biografia e tashmë të ndjerit, Shashivar Hoti?, transmeton Indeksonline
Ai ishte gjyqtar në Departamentin e Krimeve të Rënda në Gjykatën Themelore në Prishtinë .
Kishte diplomuar në vitin 2000 në Fakultetin Juridik, Universiteti i Prishtinës, ndërsa provimin e jurisprudencës e kishte kryer në vitin 2006 në Prishtinë.
Praktikën profesionale e mbajti në Gjykatën Komunale në Lipjan në periudhën prej vitit 2001-2002, gjithashtu ka punuar edhe si referent i lëndëve civile në Gjykatën Komunale në Lipjan në periudhën e viteve 2002 deri 2010.
Në Gjykatën Komunale në Lipjan ka punuar edhe si administrator në periudhën prej 2010 – 2012 .
Me datë 28.08.2012 është emëruar gjyqtar në Gjykatën Komunale për Kundërvajtje në Lipjan ku dhe punoi deri me datën 31.12.2012.
Nga data 01.01.2013 Shasivar Hoti ishte emëruar gjyqtar në Departamentin e Gjykatës Themelore në Prishtinë – Dega në Lipjan.
Nga muaji janar 2016 u emërua gjyqtar në Gjykatën Themelore në Prishtinë – Departamenti për Krime të Rënda.
Gjatë karrierës së tij si gjyqtar në Krime të Rënda, Hoti kishte ndarë drejtësinë për rastet e profileve të larta.
Rastin e ish-kryetarit të Gjykatës së Apelit, Sali Mekaj
Rastin e Bajram Pajazitit, vëllait të heroit Zahir Pajaziti, i cili akuzohej përkeqpërdorim të detyrës
Rastin e Sami Lushtakut për arratisjen nga QKUK-ja
Rastin e aferës “Pronto”
Rastin e Enver Sekiraqes
Rastin e deputetit Naser Osmani. etj…