Britaniku i UÇK-së, Jon Harrison, i cili ndihmoi Kosovën në ditët më të vështira pati edhe një sfidë të madhe në- ai u përball me sëmundjen e kancerit.
Ish-pjesëtari i forcave speciale britanike, që shërbeu në Brigadën “138 Agim Ramdani”, si trajnues për Ushtrinë Çlirimtare të Kosovës, ka njoftuar me anë të një postimi në llogarinë e tij në Facebook se tashmë e ka fituar betejën me këtë sëmundje.
Për ta ndihmuar njeriun që e përkrahu në front Kosovën gjatë luftës, në 2016-ën ishte hapur edhe një fond.
Oficeri i pensionuar britanik, i cili në krahët e tij e mban tatuazhin e skuadrës Delta të Brigadës 138 “Agim Ramadani”, ka falënderuar kosovarët për mbështetjen dhe siç shkruan ai zemërgjerësinë në këtë betejë të tij disavjeçare.
Britaniku është njeri shumë i respektuar në Kosovë, ku përveç dekoratave, me emrin e tij u pagëzua edhe një rrugë në Prizren.