Nikolas Lobel, anëtari i CDU-së së kancelares Angela Merkel dhe anëtar i Bungestagut gjerman, ka reaguar pasi Lidhja Demokratike e Kosovës e ka caktuar Vjosa Osmanin si mandatare për kryeministre në zgjedhjet që do të mbahen më 6 tetor të këtij viti, shkruan Gazeta Express.
Lobel kandidimin e Osmanit e sheh si një mundësi që Kosovës t’i jepet një vizion dhe energji e re për të ecur përpara.
“Unë besoj fuqishëm që politikanët e ri dhe të besueshëm mund t’i injektojnë Kosovës energji dhe vizion të ri” ka shkruar Lobel, raporton Gazeta Express.
Ndër të tjera ai ka thënë se Vjosa Osmani është gruaja e parë në historinë e Republikës së Kosovës që po garon për postin e kryeministres.
“Deputetja Vjosa Osmani është gruaja e parë në historinë e Kosovës që po garon për kryeministre. Osmani vjen nga LDK’ja, parti simotër e CDU-së dhe anëtare e familjes së Partive Popullore të Evropës”, ka shkruar ndër të tjera Lobel në llogarinë e tij në twitter.
Lidhja Demokratike e Kosovës e ka mandatuar Vjosa Osmanin si kandidate për kryeministre në mbledhjen e fundit të Kryesisë së mbajtur të hënën.
Përveç mbështetjes unanime të Kryesisë, Osmani ka marrë të martën edhe përkrahjen e Këshillit të Përgjithshëm të LDK’së.
Aktualisht janë duke u zhvilluar negociata ndërmjet LDK’së dhe Lëvizjes Vetëvendosje për një koalicion të mundshëm parazgjedhor. Megjithatë LDK’ja insiston në postin e kryeministrit dhe thonë se janë të prirur që të shkojnë të vetëm në zgjedhje./GazetaExpress/
Today @VjosaOsmaniMP become the first ever woman in history of Kosovo to run PM of Kosovo. Ms. Osmani comes from CDU sister party LDK, member of EPP family. I firmly believe that young credible politicians can inject a new energy and vision for Kosovo ?? – the youngest part of ?? https://t.co/PlXpPlj4hg
— Nikolas Löbel (@NikolasLoebel) August 28, 2019