Çfarë do të ndodhë me bisedimet VV-LDK pas inkuadrimit të Lutfi Hazirit

Njohësit e rrethanave politike vlerësojnë se Haziri mund ta zëvendësojë Mustafën në takimet me Kurtin

Në takimin e katërt me radhë që do e mbajnë LDK e LVV, pritet që pjesëmarrës të jetë edhe Lutfi Haziri.

Kjo pasi që ky i fundit tashmë zyrtarisht është anëtar i grupit punues të Lidhjes Demokratike.

Lëvizja Vetëvendosje është pajtuar me prezencën e Hazirit në takime e pas këtij qëndrimi nuk kanë dashur të komentojnë më shumë për T7.

Por pak më ndryshe se ta, po thonë njohësit e rrethanave politike në vend.

Faton Avdullahu po thotë që grupi punues i LDK-së, me ardhjen e Hazirit përfaqëson një klan ndryshe prej Vjosa Osmanit.

Madje përfshirjen e Hazirit, e sheh rezultat të pakënaqësive të nënkryetarit të LDK-së.

Nderkaq Imer Mushkolaj po vlerëson se Haziri mund ta zëvendësojë edhe prezencën e Isa Mustafës në takimet me Kurtin.

Sipas tij LDK e vjetër nuk do e lë Vjosa Osmanin që të vendos për koalicionin, por as për vendime të tjera.

Emërimi i Hazirit në ekip është bërë nga kryetari i LDK-së, Isa Mustafa.