Kryetari i Lidhjes Demokratike të Kosovës, Lumir Abdixhiku, ka vendosur që partinë e tij ta çojë në Pejë për të mbajtur një takim.
Express mëson nga burimet e veta se të ftuar në këtë takim kanë qenë të gjithë kandidatët për kryetarë të komunave dhe kryesia e partisë.
Takimet e LDK’së zakonisht mbahen në zyrën e LDK’së në Prishtinë, por si rrallëherë, LDK’ja ka zgjedhur bastionin e vet për të organizuar një mbledhje të tillë.
Arsyeja që i ka bashkuar të gjithë kandidatët për kryetarë të komunave dhe kryesinë e LDK’së nuk dihet, por ajo që dihet është se zgjedhjet lokale po afrohen dhe Peja mbetet bastion i Gazmend Muhaxherit, kryetarit aktual.
LDK qeveris me dy qytete të mëdha në Kosovë. Përveç Pejës, LDK’ja qeveris edhe me Komunën e Gjilanit ku kryetar është Lutfi Haziri.
Gazmend Muhaxheri dhe Lutfi Haziri do të garojnë edhe për një mandat në qytetet e tyre.
E në kryeqytet, pas 8 vjetëve larg zyrës së kryetarit të Komunës , LDK’ja synon ta rikthejë Prishtinën me Përparim Ramën.