Raportuesja për Kosovën në Parlamentin Evropian, eurodeputetja gjermane Viola Von Cramon ka kërkuar që Bashkimi Evropian t’i heq vizat sa më shpejt për Kosovë.
Eurodeputetja gjermane ka bërë tentimin e fundit derisa sa presidencës gjermane në kryesimin e BE’së po i mbaron afati, ajo po kërkon liberalizim të vizave për kosovarët.
Cramon në fjalën e saj mbi raportin për Kosovën në Komisionin për Punë të Jashtme të PE’së, ka kërkuar nga Bashkimi Evropian, konkretisht nga Këshilli i BE’së që të jap dritën e gjelbër për liberalizimin e vizave për Kosovë.
Ajo po kërkon që kosovarët të trajtohen barabar me qytetarët e vendeve të tjera evropiane dhe se ka treguar se ka një lloj frustrimi me të drejt ndaj BE’së në Kosovë.
“Qytetarët e Kosovës duhet të kenë qasje të njëjtë në Zonën Shengen pa viza, kjo çështje është në Këshillin e BE’së për dy vjet tani.
Njerëzit në Kosovë janë të frustruar me të drejtë, prandaj kërkoj nga Këshilli i Bashkimit Evropian që të jap një sinjal, afat kohor të qartë dhe të jap dritën e gjelbër lidhur me këtë vendim sa më shpejt që është e mundur. Kjo ka të bëjë me mbajtjen e premtimit tonë në rajon”, ka thënë Cramon.
Kujtojmë se Kosova ka plotësuar të gjitha kushtet për liberalizimin e vizave, mirëpo BE’ja po vazhdon izolimin e kosovarëve dhe nuk po liberalizon vizat akoma, kjo ndryshe po shihet si diskriminim.