Një dron që u rrëzua në Zagreb më 10 mars, pasi fluturoi për më shumë se një orë dhe kaloi në hapësirën ajrore të Rumanisë dhe Hungarisë, mbante eksploziv, tregojnë rezultatet paraprake të një hetimi.
Droni i kohës sovjetike u rrëzua në një park në Zagrebin jugor, duke zgjuar studentët në një konvikt aty pranë dhe duke dëmtuar disa makina të parkuara, por duke mos shkaktuar lëndime. Zyra e Prokurorit të Shtetit dhe ekspertët që paraqitën gjetjet e hetimit në një konferencë shtypi në Zagreb më 13 prill thanë se një shpërthim ndodhi kur droni goditi tokën.
“Me shumë gjasa, një substancë me energji të lartë, por jo konvencionale, ose përzierje substancash me origjinë organike është përdorur” për të shkaktuar shpërthimin. Substancat plotësisht “të dekompozuara kimikisht në shpërthim”, duke e bërë të pamundur identifikimin e asaj që ishin, tha Ivana Bacic.
Eksperti kryesor për zjarret dhe eksplozivët në Qendrën për Hetimet Ligjore, Kërkimet dhe Ekspertizën Përplasja shkaktoi zemërim dhe habi në Kroaci sepse droni kaloi pothuajse një orë duke fluturuar në hapësirën ajrore të tre vendeve të NATO-s, Rumanisë, Hungarisë dhe Kroacisë pa përgjigje. NATO-ja ende nuk është njoftuar për gjetjet paraprake të hetimit, thanë zyrtarët në konferencën për shtyp.
Në ditët pas rrëzimit, qeveria kroate dhe burimet ushtarake pretenduan se droni mbante një bombë, ndërsa ekspertë të pavarur pretenduan se ishte një model zbulimi i përdorur në regjistrimet ajrore. Sekretari i Përgjithshëm i NATO-s, Jens Stoltenberg, tha pesë ditë pas rrëzimit se droni nuk ishte i armatosur.
Qeveria e Ukrainës dhe ajo ruse mohuan që droni të ishte gjuajtur nga çdo zonë që ata kontrollonin dhe akuzuan njëra-tjetrën për lëshimin e tij. Jurica Iliç nga Zyra e Prokurorit të Shtetit në Zagreb tha se hetimi u përqendrua në arsyen pse ra nga qielli dhe hetimi do të vazhdojë për të përcaktuar se kush e lëshoi dronin dhe nga ku. Para se të rrëzohej, droni filloi një manovër uljeje pranë kryeqytetit kroat, por ekspertët nuk mund të konfirmonin nëse Zagrebi ishte objektivi i tij.
Ekspertët dyshojnë se ka pasur një mosfunksionim në sistemin e tij automatik të uljes.
Hetuesit përcaktuan pas rrëzimit se droni ishte një avion zbulues TU-141 i prodhuar në vitet 1980 në ish-Bashkimin Sovjetik. Por një yll i kuq në krahun e tij ishte pikturuar në blu dhe të verdhë, ngjyrat e flamurit të Ukrainës, thanë ata. Iliç tha se hetuesit hezitonin të spekulonin se kush e dërgoi dronin ose nga vinte ai. “Është e vështirë për mua të konkludoj se kush e modifikoi avionin dhe kush e modifikoi bombën dhe për çfarë qëllimi. Kur e dimë se kush e bëri atë, mund të marrim përgjigje përse,” tha Iliç.