Deputeti i AAK’së, Daut Haradinaj, ka thënë se nuk ka asnjë telashe në mes të partnerëve të koalicionit sa i përket bashkëqeverisjes, por vetëm ka thënë se kërkesa e hapur e AAK’së është që në dialog të përfshihen Shtetet e Bashkuara të Amerikës.
“E kemi një shqetësim sepse dialogu s’ka prodhuar asgjë të mirë tash e 15 vjet pa prezencën e SHBA’së.
- Advertisement -
Nuk guxon që të rrëshqitet në dialog teknik.
Një marrëveshje pa prezencën e SHBA’së është e pa zbatueshme. Asnjë keqkuptim në bashkëqeverisje nuk e kemi, por është kërkesë që SHBA’ja të jetë në tryezën e dialogut”, ka thënë Haradinaj.
Ai ka thënë se BE’ja është aleat i Kosovës por besimi i Kosovës është tek SHBA’të.
- Advertisement -
“BE’në e kemi aleat por besimin e kemi në SHBA”, ka shtuar Haradinaj.
Në fund ai ka kërkuar nga Hoti që edhe të trajtojë seriozisht partnerët e koalicionit, duke ia përmendur faktin që Selim Selimin nuk e kishte marrë brenda në takimin me Vuçiqin.