13.7 C
Pristina
Thursday, March 28, 2024

Delawie thotë se është i lumtur që Biden do ta trajtojë Kosovën bazuar në interesin amerikan

Rekomandime

Ish-ambasadori i SHBA-së në Kosovë, Greg Delawie, ka rishpërndarë letrën që kandidati për president Joe Biden, u ka dërguar shqiptaro-amerikanëve që mbështesin Bidenin në zgjedhjet presidenciale, lidhur me vizionin e tij për marrëdhëniet e ShBA-së me Shqipërinë dhe Kosovën.

Delawie ka thënë se kjo letër ka kuptim shumë të mirë pasi Biden do të rikthejë politikën e e baraspeshuar të ShBA-së në Ballkan.

- Advertisement -

“Kjo letër ka kuptim shumë të mirë. I kënaqur të shoh që Joe Biden do të rikthejë një politikë të balancuar të ShBA-së karshi Kosovës duke u bazuar në interesat e sigurisë nacionale të Amerikës në Ballkan”, ka shkruar ai.

Joe Biden, sipas një faqeje shkrim që mban emrin e kandidatit demokrat për president, gjatë fushatës së ashpër kundër presidentit aktual, Donald Trump, ka menduar enkas për shqiptarët, për Kosovën dhe për Shqipërinë.

- Advertisement -

Pas dyshimeve të ngritura mbi vërtetësinë e dokumentit, Gazeta Express ka kontaktuar Anila Nicklos, pjesë e organizimit të fushatës së shqiptaro-amerikanëve “Biden për president”.

Nicklos thotë se dokumenti është autentik dhe se grupit organizues të shqiptarëve të Amerikës u është dërguar nga përfaqësuesit e fushatës së Bidenit.

- Advertisement -

“Dokumenti është autentik. Është dërguar nga përfaqësuesit e “Biden for President” grupit tonë organizues “Albanian Americans for Biden Harris”. Më 8 tetor grupi ynë organizoi një Tubim të madh në bashkëpunim me përfaqësuesit e “Biden for President”. E ftuar e nderit ishte Dua Lipa”, ka thënë Nicklos.

-Advertisement-

Më shumë artikuj

- Advertisement -

Të fundit