Kryeministri i Republikës së Kosovës, Avdullah Hoti, gjatë ditës së sotme për emërimin e Konsullit të Përgjithshëm të Republikës Kosovës në Pragë të Çekisë, Flakron Shalës, ka thënë se është njoftuar nga mediat.
“Për emërimin e Konsullit të Përgjithshëm të Republikës Kosovës në Pragë të Çekisë, jam njoftuar nga mediat.
- Advertisement -
Ky emërim nuk është koordinuar me mua. Qeveria është në proces të analizimit dhe rishikimit funksional të rrjetit të misioneve diplomatike”, tha ai.
Por në një dokument thuhet se dekreti i Presidentit për emërimin e Shalës si Konsull i Përgjithshëm në Çeki, i është dërguar edhe kryeministrit Hoti më datën 20 tetor 2020.
