Beogradi duhet të vendos nëse do të pranoj standardet e transparencës dhe sundimin e ligjit të BE’së apo të i afrohet modelit jodemokratik të Rusisë së Vladimir Putin ka thënë ish diplomati amerikan Thomas Countryman. Diplomatja amerikane, Jennyfer Brush që ka shërbyer në Beograd ishte edhe më e ashpër kur tha se miti romantik për Rusinë po shfrytëzohet për të zgjatur agoninë me çështjen kosovare.
“Serbia nuk mund të pres që të shfrytëzoj privilegje dhe përgjegjësi të nivelit të anëtarësisë së BE’së, kur niveli i zbatimit të ligjeve dhe transparenca janë në nivelin e Rusisë e Kinës” paralajmëroi ish diplomati i lartë në Departamentin e Shtetit Amerikan , Thomas Countryman për Zërin e Amerikës.
Jennifer Brush, ish diplomate amerikane në Beograd ishte edhe më e ashpër ndaj lojës së pushtetit të Vucic kur deklaroi se duket se krerët serbë e kanë në ADN’në e tyre të se mund të ulen në shumë karrige.
“Por Serbi po luan me zjarrin, nëse mendon se është me e mençur sesa Moska, Brukseli e Uashingtoni bashkë. Serbia nuk është Jugosllavia, e Vucic nuk është Mareshali Tito” tha Brush.
Brush shtoi se qytetarët e Serbisë shumë gjatë kanë pritur për një të ardhme më të mirë dhe se – loja me karrige, siç e quajti, nuk do tua sjellë këtë.
“Miti rus është rritur e tani shfrytëzohet për vazhdimin e agonisë kosovare. Në një vizion romantik të luftës serbo-turke, vetëm në betejën e 1810’s në Varvarin, forcat ruse luftuan krah atyre serbe realisht” tha Brush.
Në fund të bisedës me Zërin e Amerikës Jennifer Brush apeloi tek miqtë serbë.
“Ardhmëria juaj është në BE’në demokratike, e cila angazhohet për idenë e përmirësimit të jetesës së të gjithë serbëve, e jo vetëm të ashtuquajturës elitë që fiton para nga oligarkët rus. Bashkëpunimi me BE’në është i vështirë dhe kërkon reforma, por fati i Serbisë është Europa, jo Azia Qendrore” tha Brush.
Serbia ka shtuar bashkëpunimin me Rusinë gjatë vitit 2019, që nga blerja e armatimit e deri tek anëtarësimi në Unionin Ekonomik të Euro-Azisë në nëntor të këtij viti.