Të paktën 5 nga 20 të diplomuar në “Aldi” në Lucern të Zvicrës janë shqiptarë. E kjo listë nga ngjallur reagime.
Reagimi i parë ka ardhur nga deputeti i SVP-së, Andreas Glarner, përmes një postimi në Facebook.
“Emrat e nxënësve në Aldi në Perlen …”, ka shkruar Glarner.
Glarner nuk ka shkruar asgjë më shumë në postimin tij të bërë të hënën. Në ilustrimin e bashkëngjitur shihet një pjesë e shkëputur e listës me emra e mbiemra të huaj.
Ata kanë përfunduar praktikën për tregti me pakicë në filialin e Aldit në Perlen të Lucernit.
Por, shefi për çështje të azilit në SVP, duke u përgjigtjur për nau.ch, as që do t`ia dijë se në këtë mënyrë po i denoncon të rinjtë. Ai thotë se dëshiron të tregojë se “ne ngadalë po bëhemi të huaj në vendin tonë”. Ka gjithnjë më pak zviceranë në Zvicër.
Ai gjithashtu ka thënë se Glarner thjesht ka dashur “të tregojë për mbipopullimin me të huaj të vendit tonë”.
Ndërkohë, nën postimin e Glarnerit po grumbullohen urimet për të diplomuarit e suksesshëm.Por shumica e komenteve janë në kundërshtim me të.
“Çfarë është ky postim, Andreas Glarner? Këta djem dhe vajza kanë bërë një punë të shkëlqyeshme. Pikë!”.
Dikush tjetër shkruan: “Edhe nëse këta të rinj nuk do të punonin të gjithë, Z. Glarner sërish do të mallkonte”.
Andreas Glarner është i njohur për veprime provokuese, përcjell albinfo.ch.
Një vit më parë, ai pati publikuar në Facebook numrin e telefonit të një mësuese të Cyrihut sepse ajo kishte lejuar të mungonte nga shkolla një djalë mysliman për festën e tij fetare. Deputeti i SVP-së më vonë pati kërkuar falje dhe gjithashtu iu desh të përballej edhe me kritika.
Glarner është një kandidat për kreun e partisë në të cilën bën pjesë. Në zgjedhjet që do të mbahen më 22 gusht, Glarner mund të zë vendin e kryetarit të tanishëm, Albert Rösti.
