Në rrethrrotullimet në Prishtinë ka filluar vendosja e shenjëzimeve horizontale, për të lehtësuar komunikacionin. Por, jo të gjithë pjesëmarrësit në komunikacion po i respektojnë ato
Në një video të publikuar nga “Vrojtuesit e Lagjes” në rrjetin social “Twitter”, shihet se një qytetar ka lënë veturën e tij në mes të shenjëzuesve në rrugën “Muharrem Fejza”, duke e bllokuar komunikacionin.
Si pasojë e kësaj, vozitësi i një kamioni detyrohet të kalojë mbi shenjëzuesit e vendosur në rrethrrotullim.
Mirëdita Prishtinë,
Gjatë vikendit DSHP me ekipet kanë vendosur shenjëzimin horizontal në rrethrrotullimin të Muharrem Fejza për të lehtësuar komunikacionin. Këtë do ta bëjmë në gjitha rrethrrotullimet ku ka probleme.
Falemnderit për mirëkuptim. #prishtina pic.twitter.com/4JFZe8r0yd
— Shpend Ahmeti (@ShpendA) June 15, 2020
Ndërkohë, i pari i Prishtinës, Shpend Ahmeti, sot njoftoi për vendosjen e shenjëzuesve në këtë rrugë.
“Gjatë vikendit DSHP me ekipet kanë vendosur shenjëzimin horizontal në rrethrrotullimin të Muharrem Fejza për të lehtësuar komunikacionin.
Këtë do ta bëjmë në gjitha rrethrrotullimet ku ka probleme.
Te rrethi i flamurit është projekt edhe më i detajshëm me këtë qëllim”, ka shkruar Ahmeti.