Donika Gërvalla nis me shkarkime masive të ambasadorëve: Vetëm sot i shkarkoi 13- 15 prej tyre

Ministrja e Jashtme, Donika Gërvalla ka shkarkuar sot hiç më pak se 13 ambasadorë.

Kështu ka mësuar GazetaBlic nga burimet e saj.”Ministrja Gërvalla ka marrë vendim për shkakrkimin e një numri të madh ambasadorësh. Sot ajo ka shkarkuar 13 – 15 ambasadorë”, tha ky burim.

Lidhur me këtë, GazetaBlic ka kontaktuar edhe me zëdhënësin e Qeverisë, Përparim Kryeziu, i cili tha se momentalisht nuk është në dijeni.

“Nuk jam në dijeni. Kontaktoni me ministrinë e jashtme”, tha shkurt Kryeziu për GazetaBlic.

Ndërkohë nga Ministria e Punëve të Jashtme ende nuk janë prononcuar rreth këtyre vendimeve.