Zv/ministri i Punëve të Jashtme Gani Dreshaj ka pritur sot në takim ministrin e Shëndetësisë, Armend Zemaj.
Zemaj dhe Dreshaj diskutuan për menaxhimin e situatës së COVID-19.
Dreshaj tha se ministri Zemaj po bën gjithçka që situata të stabilizohet, por kjo është e pamundur pa ndihmën e secilit prej nesh, transmeton Indeksonline.
Madje Dreshaj përmendi edhe shtetin e Gjermanisë, duke krahasuar situatën dhe respektimin e masave të vendosura në të dy shtet.
Ai tha se qytetarët meritojnë liri, gjallëri e punë e jo izolim.
Postimi plotë:
Pata një takim përmbajtësor me ministrin Zemaj. Diskutuam shumë tema rreth Covid/19 dhe menaxhimit të situatës në vend.
Ministri po bën gjithçka që situata të stabilizohet në vend, por kjo është e pamundur pa ndihmën e secilit prej nesh.
Andaj, ju lutem që të respektoni rregullat bazë, mbajtjen e vazhdueshme të maskës dhe respektimin e distancës.
Gjatë pandemisë për disa muaj kam qenë në Gjermani ku kam parë nga afër se si është menaxhuar situata atje dhe që ka rezultuar të jetë tejet e suksesshme.
Isha pjesë e disa diskutimeve dhe vendimeve në gastronominë gjermane.
Fatkeqësisht po shoh që në Kosovë disa biznese në gastronomi nuk plotësojnë kriteret anti-covid dhe inspektorë sanitarë e lokal duhet të jenë më syçelë.
Qytetarët meritojnë liri, gjallëri e punë dhe jo izolim.
Andaj, secili prej neve të ketë më shumë ndërgjegje e përgjegjësi për vete që ketë sfidë globale ta kalojmë më lehtë e më shpejt.
G.D