Një mysafir i ftuar në RTK për të analizuar situatën e sigurisë në vend pas vendimit të Qeverisë për targat ka braktisur studion në mënyrë demonstrative.
Eksperti i sigurisë Fatmir Qollakaj është ndjerë jo i respektuar nga televizioni publik, dhe për këtë ka braktisur studion, në mënyrë demonstrative. Kjo situatë ka ndodhur pasi ai kishte pritur mbi 30 minuta, dhe edhe pas kësaj moderatori i kishte kërkuar që të priste edhe pak pasi po tentonin të bënin një lidhje të drejtpërdrejtë me gazetarin nga terreni.
- Advertisement -
“Unë në mënyrë demonstrative po dal nga studio, për me tregu se nuk jeni serioz fare, duke e lënë një njeri me pritë mbi 35 minuta pas orës 11 të natës, prandaj unë po shkoj”, ka thënë Qollakaj, duke hequr vetë mikrofonin, paksa i nervozuar.