Një histori shumë ndryshe dhe tejet interesante, që asnjëherë nuk e keni dëgjuar, shkruan Gazeta Express
E gjitha kjo ka të bëjë me një dru bungu, cili mund të duket i thjeshtë dhe i zakonshëm, por për banorët e fshatit Greme të Komunës së Ferizajt është i veçantë dhe i shenjtë.
Thuhet se është i vjetër mbi 600 vjet dhe sipas tyre i ka të veçantat e veta.
Banorët thonë se askush nuk guxon që ta presë, në të kundërtën, kushdo që e dëmton këtë dru do ta gjejë një të keqe. Kështu të paktën rrëfen burri më i vjetër i lagjes Varvar, Isak Tahiri, i cili ka dëgjuar histori të shumta.
Tahiri tregon edhe histori të tjera shumë interesante të cilat kanë ndodhur para 30 vitesh.
Por, pavarësisht kësaj, Rrahimi Maliqi, i cili tani është 53 vjeç, nuk beson që 3 dekada më parë këmbën e lëndoi vetëm pse e preu një degë druri.
Duket sikur Rrahimi është i vetmi në fshat që nuk e beson një gjë të tillë, të tjerët as që e konsiderojnë që ta prekin, siç ata e quajnë, drurin e shenjtë.
Sidoqoftë, ky dru mbetët pikë takimi i të gjithë banorëve të këtij fshati.
Grema ka mbi 10 mijë banorë dhe përbëhet nga 15 lagje.
Megjithatë, ky nuk është i vetmi fshat në Kosovë, banorët e të cilit besojnë se ka dru të shenjtë./GazetaExpress