Ish-gazetari i RTK-së, Fahri Musliu, pas debatit të krijuar lidhur me pozitën e presidentit, ka propozuar që këtë pozitë ta mbajë politikanja serbe, Rada Trajkoviq.
Musliu përmes një shkrimi në Facebook, ka thënë se Trajkoviq është zgjidhje kompromise për këtë çështje, dhe se zgjedhja e saj do të kishte edhe një efekt dhe jehonë jashtë Kosovës, shkruan Reporteri.net.
Musliu ndër të tjera ka shkruar se edhe ashtu ky post është ceremonial, meqë pushtetin e ka qeveria.
Profili i Musliut është vërshuar me komente pas këtij propozimi. Por Musliu është arsyetuar duke thënë se Rada është shtetase e Kosovës dhe e barabartë në të drejta dhe obligime.
Disa e kanë akuzuar se ai mund të jetë ndikuar nga qëndrimi i gjatë në Beograd, por Musliu ka reaguar duke thënë se ka përjetuar dhimbjen më shumë se ata që hiqen patriotë.
Ai në një koment tjetër është arsyetuar duke thënë se i duke thënë se të gjithë këto debate përçarëse në kohën kur vendi ka nevojë për unifikim janë të padrejta.