Në fundjavë mot më i ngrohtë, me diell dhe vransira.
Java e ardhshme fillon me shi, nga e marta rënie e temperaturave.
Prishtina Weather ka paralajmëruar se gjatë javës së ardhshme mund të ketë edhe reshje bore në vise malore.
9.10.2020 – Fusha të presionit të lartë që po shtrihen mbi rajon, ditëve të fundjavës kushtëzojnë mot të qëndrueshëm me diell dhe vransira, pa të reshura. Orëve të mëngjesit nëpër ultësira mundësi për mjegull. Masa më të ngrohta ajrore nga Afrika veriore sjellin rritje të temperaturave, me maksimale edhe mbi 20C.
Në fundjavë një ciklon pritet të zhvillohet mbi Italinë veriore, që më pas do të depërtojë mbi rajonin tonë, e nga dita e hënë dhe martë edhe mbi vendin tonë. Nga e hëna në mbrëmje dhe të martën priten të reshura shiu, që vende-vende mund të jenë më të dendura, të shoqëruara edhe me bubullima. Ditën e martë, me rënie të temperaturave viseve të larta malore ekziston mundësia edhe për të reshura bore.
10.10 – Pjesërisht vranët, në mëngjes më ftohtë me mundësi për mjegull në vise të ulëta. Ditën më ngrohtë me kthjellime.
11.10 – Kryesisht me diell dhe vransira kalimtare të nivelit të lartë. Në mëngjes në vise të ulëta mundësi për mjegull/mjegullinë.
12.10 – Kryesisht me vransira. Në mëngjes në vise të ulëta mundësi për mjegull. Pasdite vonë dhe në mbrëmje me reshje shiu, që më vonë gjatë natës do të jenë më të vazhdueshme, vende-vende edhe më intensive.
13.10 – Më ftohtë. Herët në mëngjes shi, vende-vende me bubullima, e gjatë ditës mbetet kryesisht me vransira me mundësi për riga lokale shiu. Viseve malore mund të bie edhe borë.
14.10 – Kryesisht me diell. Në mëngjes më ftohtë.
Temperaturat në fundjavë do të luhaten përreth vlerave mesatare, me minimale nga 6C deri 8C, e maksimale 19C deri 21C. Ditën e martë maksimalet zbresin deri në 12C, e minimalet deri në 5C.
Të shtunën do të fryj erë e lehtë drejtimesh të ndryshme, e ditëve të ardhshme kryesisht nga jugperëndimi 4-12m/s.
Shtypja atmosferike nga dita e diel me tendencë rënies nën vlera normale.