Ka përfunduar takimi mes liderit të Lëvizjes Vetëvendosje Albin Kurti dhe U.D e presidentes Vjosa Osmani me Fikrim Damka deputet i dalë nga zgjedhjet e kaluara nga partia ‘Kosova Demokratik Turk Partisi’.
Damka, ka thënë se e kanë pas takimin lidhur me krijimin e institucioneve.
“Ne do të qëndrojmë në sallë për krijimin e institucioneve. Do t’i vazhdojmë bisedimet. Për presidenten do të jemi në sallë ndërsa për qeverinë Kurti nuk kemi vendos a do të votojmë apo jo”, tha ai para mediave pas përfundimit të takimit.
Sipas tij, qeveria e Kosovës në të ardhmen do ta ketë sfidë ambasadën në Jerusalem, për çka Damka tha se ai dhe partia e tij nuk janë dakord që Kosova ka hapur ambasadën në këtë qytet.
Ai ka zbuluar se në takim nga Kurti e Osmani, kanë kërkuar që në ekzekutivin e ri të kenë nën udhëheqje një dikaster ministror, porse nuk tregoi nëse për këtë kërkesë të kenë marrë mbështetjen e nikoqirëve të takimit.
“Deri të premten do të kemi diskutime”, tha ai