I dërguari amerikan për Ballkanin Perëndimor, Gabriel Escobar, i bën sërish thirrje autoriteteve në Prishtinë, të pranojnë kërkesën për të shtyrë me 10 muaj zbatimin e urdhrit për targat e makinave të banorëve serbë në veri të Kosovës.
Zyrtari i lartë amerikan në një intervistë për Zërin e Amerikës u pyet se a kanë marrë ndonjë përgjigje nga autoritet kosovare lidhur me këtë kërkesë, Escobar tha se ende nuk ka marrë një përgjigje.
- Advertisement -
Megjithatë, Escobar thotë që shpreson që autoritetet kosovarë ta shtyjnë me 10 muaj zbatimin e urdhrit për targat e makinave të banorëve serbë në veri të Kosovës.
“Do të shpresoja që ata të reagonin pozitivisht ndaj kërkesës jo vetëm të Shteteve të Bashkuara, por edhe të pjesës tjetër të Quint-it, të Bashkimit Evropian dhe të përfaqësuesit special, Miroslav Lajçak”, tha zyrtari i lartë amerikan.