Ish-zëdhënësi i Ushtrisë Çlirimtare të Kosovës, Jakup Krasniqi, ka dalë sot për herë të parë para Gjykatës Speciale. Ai në prezantimin e tij të parë dha një deklaratë emocionale ku i përlotur e mbrojti luftën e pastër të Ushtrisë Çlirimtare të Kosovës.
Pjesë nga fjalimi i tij:
Në aktakuzë po na quani ndërmarrje kr.iminale të përbashkët, unë deklaroj sot se kurrë në jetë në asnjë rast të vetëm nuk i kam trajtuar njerëzit sikur më trajtuat ju nga arrestimi deri këtu.
Jam intelektual, jam njeri që politikisht e kam luftuar Serbinë. Kurrë nuk e kam drejtuar gishtin nga civilët. Ju po përpiqeni të na ndani në mysliman e katolik, unë jam shqiptar.
Cilësimi i prokurorit se ne qenkemi ndërmarrje kr.iminale e përbashkët, për mua dhe shokët e mi që luftuam gjatë për kombin tonë, nuk ka asgjë më fyese.
Jetë e vdekje jemi vu në shërbim të çlirimit. Ia kemi arritur që bashkë me SHBA-në, me BE-në të jemi ndërmarrje e përbashkët çlirimtare dhe shtetformuese, ndërsa ndërmarrje e përbashkët kr.iminale, janë jo vetëm serbët, por është këmbë e krye vetëm koka e saj në Beograd.
Besoj. madje besoj shumë që këtë e di secili qytetar i arsimuar që së bashku është mbi 30 vjeç e që jeton në vendet e demokracisë, aty ku janë rritur e edukuar me vlerat e kësaj bote, që veçohen me vlerat që kanë të bëjnë me të drejtat dhe liritë e njeriut.
Kam qenë i dënuar nga regjimet e Serbisë në vitet ‘81. Ata me kanë dënuar që kam lexuar libra. Më shumë të drejtë kanë pas ata atëherë se sa ju sot këtu.