Kosova do të përballet për herë të parë me San Marinon sot në një ndeshje miqësore në Prishtinë, e cila do t’i shërbejë më shumë trajnerin Bernard Challandes për t’i testuar prurjet e reja në kombëtare, para ndeshjeve kualifikuese për Kupën e Botës në shtator.
Takimi mes Kosovës dhe San Marinos zhvillohet sonte në orën 18:00 në stadiumin Fadil Vokrri në kryeqytet.
- Advertisement -
Kosova ka publikuar formacionin startues për këtë ndeshje.
Në portë do të startojë Ujkani, kurse para tij janë dyshja Rrahmani dhe Fazliu. Në krahë do të luajnë Vojvoda dhe Bajselmani.
Në mesfushë do të paraqiten Halimi, Kryezi dhe Idrizi, kurse në sulm do të jenë Kastrati, Zeneli dhe Muriqi.
- Advertisement -
- Advertisement -
Pas takimeve me San Marinon dhe Maltën këtë javë, Kosova do t’i zhvillojë edhe dy miqësore të tjera javën e ardhshme, kundër Guineas më 8 qershor dhe kundër Gambisë më 11 qershor.