Një ngjarje e rëndë ka tronditur sot Tiranën, ku 45-vjeçari Roland Sinani ka vrarë me armë zjarri kunatën e tij, Migena Sinanin.
Ngjarja ka ndodhur në orën 4: 30 të mëngjesit, ndërsa e reja, nënë e dy fëmijëve, ishte në gjumë së bashku me vajzën e saj 2-vjeçare.
Sinani ka qëlluar veten me një plumb në pjesën e nofullës. Arma e krimit është gjetur pas banesës, disa metra larg trupit të 45-vjeçarit. Dyshohet se në këtë ngjarje të rëndë të jetë përfshirë edhe një person tjetër.
Burime nga policia thonë se ka dyshime të forta që babai i autorit, të ketë fshehur armën menjëherë pas ngjarjes. Nëna dhe babai i autorit janë shoqëruar në komisariat dhe po merren në pyetje.
Të dhënat e para të policisë tregojnë se Roland Sinani vuante nga depresioni dhe ishte me mjekim.
