Ministri në detyrë i Shëndetësisë, Armend Zemaj gjatë takimit të Komitetit për pandeminë COVID-19, ka thënë se javëve të fundit ka pasur rritje të rasteve, dhe gjendja në SHSKUK është e ngarkuar.
“Ngarkesa që është tash në SHSKUK në një kohë të shkurtër nëse vazhdon kështu do të jetë e pa përballueshme”, ka thënë Zemaj.
Por kjo situatë gjithnjë sipas infektologëve erdhi edhe për shkak se partitë gjatë fushatës zgjedhore fare nuk i respektuan masat.
Një gjë të tillë e kishte bërë edhe vet ministri Zemaj të paktën në dy raste, shkruan Kosova Ime.
Më 29 janar të 2020, Zemaj ishte prezent në një takim në një lokal në Deçan ku shiheshin mbi 20 persona, ndërsa distanca fare nuk ishte respektuar.
Këtë gjë e tregon foto e mëposhtme.
Për këtë foto Zemaj ishte kritikuar jashtëzakoisht shumë, për çka kishte thënë se ka gabuar.
“Nuk është shembull i mirë, absolutisht, nuk është shembull i mirë. Ishte gabim, ajo çka bëra, ishte gabim”, kishte deklaruar Zemaj.
Por vetëm dy ditë pas kësaj deklarate, sajtësisht me 31 janar, Zemaj sërish kishte shkelur rregullat anti-Covid, ku ishte mbledhur në një odë ku shihen të mbledhur rreth 30 persona.
Në këtë tubim shihet se shumica e personave kanë maska, por që nuk respektohet fare distanca, kurse numri i personave të mbledhur është shumë më shumë se lejohet.
“Isniqi si gjithmonë i djathtë, LDK dhe Rugovian! Vazhdojmë”, kishte shkruar ai në Facebook.
Kujtojmë se vetëm sot nga coronavirusi në vendin tonë kanë vdekur 8 persona, kurse janë shënuar 828 raste të reja. /Kosova Ime/.