Futbollistët e Serbisë e festuan sigurimin e pjesëmarrjes në Kupën e Botës 2022, pas fitores kundër Portugalisë të dielën, të veshur në fanella që mbanin mbishkrime nacionaliste.
Për më tepër, në një hartë serbe në fanellat e tyre, ata e paraqesin Kosovën si pjesë të Serbisë.
“Le të valëvitë flamuri i Serbisë nga Prizreni deri në Rumije (Mal të Zi)”, ishte mbishkrimi në fanellat e tre futbollistëve serbë që pozuan duke i ngritur lart tre gishta pas fitores 2:1 kundër Portugalisë në Lisbonë.
Serbian football players wearing official @FSSrbije t-shirts featuring name of the irredentist nationalist song which was the anthem of the church protests in Montenegro. The song goes “let the Serbian flag wave all the way from Prizren (Kosovo) to Rumija (Montenegro)”. pic.twitter.com/MDvq9IcXv0
— Ljubomir Filipović (@ljubofil) November 15, 2021
Ky mbishkrim në fanellate tyre është nga një këngë nacionaliste, e cila ishte himni i protestave të kishës në Malin e Zi në shtator.
Ceremonia e shugurimit të kreut të Kishës Ortodokse Serbe, metropolitit Joanikije në Cetinje në Mal të Zi, u shoqërua me trazira të shumta.
Ceremonia në Cetinje i kishte zemëruar malazezët, të cilët e vlerësuan atë si fyerje ndaj vështirësive të Malit të Zi për sovranitet dhe pavarësim nga Serbia, pjesë e së cilës ishte nga fundi i Iuftës së Parë Botërore deri në vitin 2006.
Serbia e mposhti 2:1 Portugalinë midis Lisbonës të dielën, duke e siguruar pjesëmarrjen në Kupën e Botës 2022.
Serbia udhëtoi drejt Lisbonës e vetëdijshme se një fitore do t’ia fitonte Grupin A dhe rrjedhimisht do t’ia siguronte një vend në Katar 2022.
Kombëtarja serbe e fitoi Grupin duke i mbledhur 20 pikë nga tetë ndeshje, ndërsa Portugalia ngeli e dyta me 17 pikë.
Portugezët me Cristiano Ronaldon në krye do të kërkojnë një vend në Botëror përmes play-off’it.
Reanto Sanches e kaloi Portugalinë në epërsi pas vetëm dy minutave lojë dhe u duk sikur ish-kampioni i Evropës e kishte vulosur tashmë kualifikimit, duke e ditur se i mjaftonte edhe barazimi.
Pas shumë përpjekjeve, Dusan Tadic e barazoi rezultatin për Serbinë në minutën e 33-të, kur shënoi me një goditje rreth 18 metra largësi.
Alexander Mitrovic ia këputi këmbët portugezëve dhe e çoi Serbinë në Botëror me një gol në minutën e 90-të, i asistuar nga Tadic.