Gani Geci, aktivisti i Lidhjes Demokratike të Kosovës, ka thënë se është lehtë të zbardhet rasti i Astrit Deharit, aktivistit të Lëvizjes Vetëvendosje që ndërroi jetë brenda Qendrës së Paraburgimit në Prizren pesë vjet më parë.
Në një koment në Fcaebook, Geci u shpreh se rasti i Deharit mund të zbulohet përmes kamerave të sigurisë.
“Ma lehtë se me zbulu këtë rast në Kosovë nuk ka. Vetem kamerat e sigurisë me i marr me dërgu në ekspertizë. Nëse dhoma e Astritit ka pas vetëm ni hyrje dhe ka qenë e monitoruar me kamera atëherë duhet hetuar vetëm kamerat a janë manipuluar”, i ka thënë Geci, Gashit.
Avokati Tomë Gashi ka paralajmëruar arrestime për rastin e Astrit Deharit, aktivistit të ndjerë të Lëvizjes Vetëvendosje.
Dehari, vdiq në rrethana ende të pasqaruara në Qendrën e Paraburgimit në Prizren më 5 nëntor të vitit 2016. Ditën e nesërme bëhen pesë vite nga vdekja e tij.
Avokati i familjes Dehari, tha sot se prokuroria duhet të prëgatitet për arrestime lidhur me rastin.