Deputetja e Partisë Demokratike të Kosovës, Ganimete Musliu, dhe kreu i Drenasit, Ramiz Lladrovci, gjatë ceremonisë së shënimit të 22 vjetori të Epopesë së UÇK’së në Kazermën “Adem Jashari”, kanë gjetur kohë edhe për batuta.
Të dy në një video të publikuar, shihen teksa i pëshpëritin diçka Kurtit pas shpine, derisa ky i fundit shpërthen në të qeshura.
Lladrovci më pas nuk ka pranuar të jap detaje se për çfarë mund të kenë biseduar në ato momente.
Ndryshe kjo nuk është hera e parë që Kurti është cak i deputetes, Ganimete Musliu. Gjatë seancës kur ishte zgjedhur Glauk Konjufca kryetar Kuvendi, Musliu bashkë me disa deputetë të tjerë kanë vendosur flamuj të vegjël kuq e zi para deputetëve të VV’së, përfshirë edhe Kurtin.
Ndërkohë në fjalimin e parë të Kurtit në Kuvend si kryeministër, Ganimete Musliu, i kishte vendosur Kurtit në xhaketë një karficë me dy flamuj të vegjël, atë të Shqipërisë dhe atë të Kosovës.