Ministri i Mbrojtjes në detyrë, Rrustem Berisha ka njoftuar nisjen e Gardës Kombëtares të Kosovës dhe njësitin K-9 për Shqipëri.
Vendimi i i nënshkruar në mëngjes ka hyrë në fuqi menjëherë dhe më pas njësitë ushtarake kosovare kanë marrë rrugën për Shqipëri.
“Sapo jam informuar edhe zyrtarisht nga autoritetet shqiptare për tërmetin dhe pasojat e tërmetit në Shqipëri. Fatkeqësisht, tërmeti ka shkaktuar edhe humbje jetësh dhe dëme të mëdha materiale.
Ne u shprehim ngushëllimet më të sinqerta dhe keqardhje e thellë familjarëve të viktimave dhe Qeverisë së Shqipërisë, duke treguar gatishmërinë tonë për të dhënë ndihmë në këtë situatë.
Si Ministër i Mbrojtjes, kam nënshkruar vendimin për nisjen e menjëhershme njësisë së kërkim-shpëtimit të Gardës Kombëtare të Kosovës (FSK) bashkē me njësitë e specializuara K-9 për në zonat e prekura nga tërmeti” shkruan ministri Berisha në njoftim.