Avokati, Tomë Gashi ka paraqitur në Prokurorinë e Shtetit kërkesën për hetimin e vdekjes së dyshimt të Naser Makollit, njeriut që ishte në dhomë me Astrit Deharin.
Sipas tij, Prokuroria duhet të hapë hetime lidhur me ndërlidhjen eventuale të këtyre dy vdekjeve në Burgjet e Kosovës.
Postimi i plotë:
Ma askush nuk ka dilema se aktivisti i Lëvizjës VETËVENDOSJE! Astrit DEHARI është vrarë në burg.
Tani pas tri viteve janë duke u zbuluar rrethana të reja për vdekjen e dyshimtë-në rrethana të pasqaruara të Naser MAKOLLIT, i cili vdiq në Qendren e Paraburgimit në Lipjan më 03.04.2017.
Naser Makolli kishte qëndruar me Astrit Deharin në një qeli në Qendren e Paraburgimit në Prizren për 67 ditë.
Naser Makolli ishte transferuar nga Qendra e Paraburgimit në Prizren në Qendren e Paraburgimit në Lipjan 34 ditë pas vrasjës së Astritit.
Sot në Prokurorinë Speciale të Republikës së Kosovë kam paraqitur kërkesë për hetimin e vdekjës së dyshimit -në rrethana të pasqaruara të Naser Makollit.
Prokuroria duhet të hapë hetime lidhur me ndërlidhjen eventuale të këtyre dy vdekjeve në Burgjet e Kosovës.