Deputetja e LDK-së Besa Gaxherri, në seancën e Kuvendit të Republikës së Kosovës e cila po vazhdon, duke i replikuar depuetes së VV-së Fitore Pacollit e cila akuzoi partinë në pushtet se po privigjelohen zyrtarë të LDK-së për testime, tha se ka kërkuar t’i bëhet testi për COVID-19, por që nuk i bërë.
“Sinqerisht po më vjen keq mu për ty. Oj zojë nëse e vërtetë popullata është në vështirësi, leni këto pollavra.
A po më sheh mu? Unë kam kërku mu testu dhe s’jam testu ende, s’ka këtu intervenime. Po ftoj ekipën shëndetësore me ardhë këtu se të gjithë duhet të testohen se të gjithë janë të rrezikuar.
Qeveria Kurti s’e ka pru pandeminë, e as kjo qeveri s’po e zhvillon pandeminë. Ne po infektohemi këtu, jo vetëm si individ, por edhe familjet e tona me pollavrat e juaja”, tha ajo.