Pasi u publikuan konkludimet e raportit të ekspertëve zviceranë lidhur me rastin e vdekjes së Astrit Deharit, i cili nuk përjashtonte mundësinë e vrasjes, reagimet në skenën vendore ishin të shumta.
Lëvizja Vetëvendosje u zotua se nën qeverisjen e tyre do të zbardhen rrethanat e vdekjes së Astrit Deharit, teksa kërkoi që Prokuroria e Prizrenit të mos merret me hetimin e kësaj çështje.
Familja e Astrit Deharit kërkoi që sa më shpejtë të rihapen hetimet për vdekjen e djalit të tyre dhe që personat përgjegjës të dalin para drejtësisë.
- Advertisement -
Ndërkohë lajmi për publikimin e raportin të ekspertëve zviceranë për vdekjen e Astrit Deharit ka zënë vend edhe në mediat e rëndësishme ndërkombëtare, shkruan Reporteri.net.
Për të gjeturat në raport ka shkruar edhe gazetat prestigjioze amerikane“Washington Post” dhe “New York Times”.
