Kreu i Komunës së Pejës, Gazmend Muhaxheri, është kërcënuar, përmes Facebook-ut, nga dy persona, dy ditë më parë.
Nga dy profile të ndryshme, përmes mesazheve në Facebook dy persona kanë kërcënuar Muhaxherin dhe familjen e tij.
- Advertisement -
Rastin e ka konfirmuar për media zëdhënësi i Policisë së Pejës, Fadil Gashi.
Ai ka thënë se kreu i Pejës është kërcënuar me datë 14 nëntor.
“Po, është kërcënuar me datë 14 nëntor përmes rrjeteve sociale.
- Advertisement -
Me rastin janë duke u marrë hetuesit rajonalë”, ka thënë Gashi.
Ai shton se tashmë janë verifikuar dy profile nga ku janë dërguar mesazhet kërcënuese. Deri më tani policia nuk e ka ndaluar asnjë person të dyshuar.
- Advertisement -
“Dy profile janë duke i verifikuar pasi kanë dërguar dy mesazhe, rastin e ka raportuar dje. Nuk është ndalur ende asnjë person”, tha ai