Njoftohet se gazsjellësi gjermano-rus Nord Stream II ka shkarkuar të gjithë punëtorët e saj në Zvicër.
Siç raportojnë mediet zvicerane, ky veprim është ndërmarr pak minuta përpara se të fillojë seanca e Parlamentit shtetëror në Schwerin.
Operatori i gazsjellësit është i vendosur në kantonin zviceran të Zug për arsye tatimore.
Nord Stream II është një tubacion – në vlerë prej 11 miliardë dollarësh – i projektuar për dërgimin e gazit natyror nga Rusia në Gjermani, nëpërmjet Detit Baltik.
Projekti ka shumë kritikë, të cilët thonë se ai do ta rriste varësinë e BE-së nga gazi rus, ndërkohë që do ta privonte Ukrainën nga tarifat jetike të tranzitit, që merr nga tubacionet ekzistuese në territorin e saj.
Pas lëvizjeve të fundit të Kremlinit kundër Ukrainës, kancelari gjerman Olaf Scholz, ka njoftuar se Berlini ka pezulluar certifikimin e gazsjellësit.
Kujtojmë se shteti i Zvicrës ka njoftuar për sanksione ndaj Rusisë.
Të hënën presidenti federal zviceran Ignazio Cassis, duke shtuar se sanksionet e Zvicrës do të jenë në përputhje me ato të miratuara tashmë nga Bashkimi Evropian.
Zvicra do të ngrijë asetet e ‘personave të listuar’ dhe gjithashtu do të sjellë në fuqi një ndalim hyrjeje për ata që theksohen nga paketa e sanksioneve të BE-së, sipas Presidentit Federal Zviceran.
Cassis tha se Zvicra po mbyllte hapësirën e saj ajrore për të gjitha fluturimet nga Rusia, përfshirë avionët privatë, me përjashtim të fluturimeve humanitare, fluturimeve të kërkimit dhe situatave emergjente.