Sami Lushtaku i PDK-së dhe Gani Geci i LDK-së kanë komentuar zgjedhjet e 6 tetorit dhe partinë që do të dalë e para.
Geci shprehet i sigurt se LDK-ja me kandidaten për kryeministre, Vjosa Osmanin, do t’i fitojë zgjedhjet.
“Një grua e martuar, me fmijë, e përgatitur më shumë se kushdo. Me logjikë të Evropës, ajo ka me fitu”, ka thënë Geci në T7.
Ndërkaq, sipas Sami Lushtakut, Osmani nuk do të mund të marrë vendime vetë nëse zgjedhet kryeministre, por i duhet t’i pyes të tjerët.
“Kjo gruaja [Vjosa Osmani] duhet të shkojë t’i pyes të tjerët për të marrë një vendim”, ka thënë Lushtaku.
Ndërkaq Geci thotë se Osmani është aq e fortë sa ka qëndruar e vetme duke e kundërshtuar koalicionin e LDK-së me PDK-në në vitin 2015 dhe zgjedhjen e Hashim Thaçit president.
“Kjo ka guxu edhe kur ka qenë veç vetëm, me i dalë Hashim Thaçit edhe me i thanë se nuk jam me ty”, ka thënë Geci.