Kryediplomatja Donika Gërvalla i ka reaguar gazetës zvicerane të cilës i dha intervistë, duke thënë se në artikullin e intervistës së saj, NZZ ka pohuar gënjeshtra se UÇK-ja ka kryer vrasje pas përfundimit të luftës.
Gërvalla, e cila nga ky medium u citua të ketë thënë se civilë shqiptarë janë vrarë pas luftës dhe se për ta duhet të ketë drejtësi, sot shkruan se nëse janë kryer KRlME, ato i kanë bërë individët, e jo UÇK-ja.
“NZZ publikoi pohimin e rremë se UÇK-ja kreu vrasje pas përfundimit të luftës. UÇK-ja u shpërbë pas çlirimit të Kosovës në qershor 1999. Nëse KRlMET thuhet se janë kryer, ato janë bërë nga individë, jo nga UÇK-ja”, ka shkruar Gërvalla.
Ajo ka përmendur UÇK-në dhe FARK-un, që tha se kanë shpëtuar civilë të pafajshëm.
“Gjatë gjenocidit në Kosovë, burra dhe gra të panumërta në UÇK, FARK dhe të tjerë sakrifikuan jetën e tyre për të shpëtuar civilë të pafajshëm nga asgjësimi serb. Liria e medias gjithmonë duhet të mbrohet. Por kështu është e vërteta”, ka shkruar ajo.
1/2 Die @NZZ hat die falsche Tatsachenbehauptung publiziert, dass nach dem Ende des Krieges die UÇK Morde begangen hätte.
Die UÇK wurde nach der Befreiung Kosovas im Juni 1999 aufgelöst. Wenn Verbrechen begangen worden sein sollen, dann von Individuen, nicht von der UÇK.— Donika Gërvalla-Schwarz (@gervallaschwarz) June 2, 2021