Gjendet i vdekur në pus burri nga Vushtrria që u zhduk ditë më parë

Ekipet e Kërkim-Shpëtimit e kanë gjetur sot pa shenja jete Musli Krasniqin që ishte zhdukur rreth 5 ditë më parë.

Musli Krasniqi nga Vushtrria ishte zhdukur kohë më parë, ndërkaq ekipet e FSK’së e kanë gjetur pa shenja jete sot atë.

“Operacioni i Kërkim-Shpëtimit të FSK-së, është zhvilluar për katër ditë në disa lokacione të dyshuara, kurse në ditën e sotme, 04.11.2019, kanë gjetur trupin e pajetë të viktimës, në një pus në afërsi të fshatit Begaj “- thuhet në njoftimin e Forcës së Sigurisë së Kosovës.

Trupi i pajetë i viktimës i është dorëzuar Policisë për procedura të mëtejshme.