6.6 C
Pristina
Tuesday, March 26, 2024

Gjeneral Kastrati: SuImi ndaj policisë në veri, hakmarrje e Serbisë për moslejimin e zgjedhjeve në Kosovë

Rekomandime

Pesë suIme ndaj zyrtarëve të Policisë së Kosovës kanë ndodhur në katër ditët e fundit në pjesën veriore të vendit, ku janë përdorur armë e mjete të ndryshme.

Ish-komandanti i FSK-së, gjeneral Kadri Kastrati thotë se suImet ndaj Policisë së Kosovës në veri e kanë burimin në Beograd.

- Advertisement -

Kastrati ka thënë se qëllimi i sulmit më shumë se ushtarak ishte politik.

“Unë mendoj se ky është lloj revanshizmi i Beogradit, apo iu është dhënë leje serbëve në Kosovë që të përdorin më shumë armatim dhe mjete Iuftarake për arsye se serbeve të Kosovës nuk iu është dhënë leje për mbajtjen e referendumit dhe zgjedhjeve në Kosovë”, tha ai.

Gjenerali dyshon se Serbia e ka kuptuar që është në prag të një presioni të jashtëzakonshëm nga ndërkombëtarët për të arritur një marrëveshje finale për të njohur Kosovën.

- Advertisement -

“Serbia dëshiron ta prolongojë situatën aktuale, apo ta keqësojë edhe më tutje. Unë mendoj se kjo është me prapavijë politike”.

Megjithatë, Kastrati thotë se kjo që ndodhi në veri lidhet edhe më atë që po ndodh në Bosnje dhe e tëra kjo vjen nga shërbimet ruse.

- Advertisement -

Ish-komandanti i FSK-së thotë se Serbia po provokon strukturat e sigurisë së Kosovës me veprime të tilla.

“Veprimet e Serbisë janë të njohura, pasi kështu kanë filluar edhe në Bosnje, Slloveni e Kroaci me disa provokime të lehta. Këta dëshirojnë ta provokojë edhe Kosovën dhe institucionet e saj të sigurisë”, deklaroi tutje Kastrati.

Veriu i Kosovës vazhdon të mbetet një nga zonat më pak të kontrolluara të vendit. Në raporte të ndryshme ndërkombëtare, veriu i Kosovës përmendet në veçanti si një zonë gri dhe e përshkuar nga veprimtari të paligjshme

-Advertisement-

Më shumë artikuj

- Advertisement -

Të fundit