10 C
Pristina
Thursday, March 28, 2024

Gjuriq: Nuk më vjen mirë për mospajtimit e figurave politike në Kosovë

Rekomandime

Drejtori i zyrës për Kosovën në qeverinë serbe, Marko Gjuriq, tha se figurat kryesore politike në Kosovë nuk janë të bashkuar siç ishin më parë.

Ai tha se nuk i vjen mirë që ka mospajtime mes partive politike shqiptare në Kosovë sepse, siç deklaroi ai, këto mospajtime po reflektojnë edhe tek serbët.

- Advertisement -

Në një bisedë për televizionin serb “Pink”, Gjuriqi tha se është me rëndësi që serbët të mblidhen rreth bllokut të vetëm monolit që është Lista Serbe.

“Se a do ta formojë qeverinë Kurti a Murti, kjo është e parëndësishme sepse të gjithë janë separatistë”, tha Gjuriqi, transmeton Koha.net.

Sipas tij, faktin se shqiptarët më nuk janë të bashkuar e tregojnë edhe shifrat e lindjeve të bebeve: më 2001 në Kosovë lindën 60 mijë bebe, më 2014 32 mijë ndërsa më 2018 lindën 22 mijë bebe.

- Advertisement -

Tha se i vjen keq që jo të gjithë serbët i janë bashkuar Listës Serbe.

Duke folur për djegien e veturës së anëtarit të presidencës së Listës Serbe, Slavko Simiq, Gjuriqi tha se ky është një lloj “terrorizmi e sulmi” me qëllim që të frikësojnë Simiqin i cili është “një nga njerëzit më energjetikë në institucionet e Kosovës”.

- Advertisement -

“Nuk do të flas paraprakisht për përgjegjësit, por është me rëndësi që të merret vesh sa më shpejt se kush qëndron prapa djegies së veturës së tij”, tha Gjuriqi.

-Advertisement-

Më shumë artikuj

- Advertisement -

Të fundit