Emisari special i Shteteve të Bashkuara të Amerikës, Richard Grenell ka publikuar disa të dhëna të një sondazhi se kë do ta votonin evropianët për president të SHBA-së nëse do të merrnin pjesë në këto zgjedhje.
Sipas sondazhit që e ka shfaqur Grenell në Twitter, 83% të qytetarëve të Bashkimit Evropian do të votonin për kandidatin demokrat, Joe Biden, ndërsa 17% do të votonin për kandidatin republikan, Donald Trump, pjesë e administratës së të cilit është edhe vetë ai.
Europeans want the weak one back! @joebiden https://t.co/n7ZIdhwDo7
— Richard Grenell (@RichardGrenell) October 19, 2020
Grenell është përfshirë intensivisht në fushatën elektorale për zgjedhjet e sivjetme presidenciale në SHBA. Ai kërkon që amerikanët t’ia dhurojnë Donald Trump edhe një mandat të dytë në krye të shtetit më të fuqishëm në botë.