Ministrja e Jashtme e Kosovës, Meliza Haradinaj, ka përshëndetur arritjen e marrëveshjes për normalizim të marrëdhënieve mes Izraelit dhe Emirateve të Bashkuara Arabe, duke shfrytëzuar rastin që të kërkojë që edhe negociatat mes Kosovës dhe Serbisë të bëhen nën udhëheqjen e SHBA-së.
Duke rishpërndarë në Twitter një postim të presidentit amerikan, Donald Trump, ministrja Haradinaj ka shkruar: “Mirëpres Deklaratën e përbashkët mes Izraelit dhe EBA-së për normalizimin e plotë të marrëdhënieve të ndërmjetësuar nga Shtetet e Bashkuara. Lidershipi nga SHBA-ja është krucial për arritjen e përparimeve diplomatike që kanë për qëllim stabilitetin dhe paqen në mbarë botën. Marrëveshja finale Kosovë-Serbi po ashtu duhet të ndërmjetësohet nga lidershipi i SHBA-së”.
Welcome the Joint Statement btw #Israel & #UAE on full normalization of rels mediated by #UnitedStates. US leadership is crucial to achieve diplomatic breakthroughs that aim stability & peace around the world. #Kosovo–#Serbia final agreem. should also be brokered by US leadership https://t.co/Iax1YCrzLX
— Meliza Haradinaj (@MelizaHaradinaj) August 13, 2020