Ish-kryeministri Ramush Haradinaj, ka qenë prezent në varrimin e Sulejman Berishës, kushëri i afërm i ish-kryeministrit të Shqipërisë, Sali Berisha, përcjellë Gazeta Blic.
Përmes një shkrimi në llogarinë e tij në facebook, Haradinaj ka thënë se Sulejman Berisha, , gjatë luftës së fundit në Kosovë, kullën e tij në Tropojë e kishte vënë në shërbim të plotë të UÇK-së.
Ai ka shtuar se me vdekjen e Sulejman Berishës, Kosova ka humbur Kosova një prej vëllezërve që iu bë krah çlirimit të saj.
Postimi i plotë i Ramush Haradinajt:
Sot në Tiranë për t’i dhënë lamtumirën e fundit Sulejman Berishës, të cilin kam pasur nderin ta njoh për së afërmi, në kohën më të vështirë për Kosovën. Baca Sulejman, kushëri i afërt i ish-kryeministrit Sali Berisha, gjatë luftës së fundit në Kosovë, kullën e tij në Tropojë e kishte vënë në shërbim të plotë të UÇK-së. Me kalimin e tij në amshim, familja humbi të dashurin e tyre kurse Kosova një prej vëllezërve që iu bë krah çlirimit të saj. I përjetshëm qoftë kujtimi për të.
RH