Ministria i Financave, Hekuran Murati duke komentuar kërkesat për heqje të akcizës për naftën në Kosovë është marrë pak edhe me Gjermaninë.
Murati ka njoftuar për gabimin që sipas tij po bën Gjermania në tregun e naftës.
“Zbritja për konsumatorin, në rastin më të mirë ka zgjatur disa ditë, dhe pastaj çmimet janë ri-ngritur dhe janë kthyer pothuajse në nivelin para uljes së akcizës”, ka shkruar ai.
“Në Gjermani tani po diskutohet se si të aplikohet taksë speciale për fitimet e kompanive të naftës, të cilat kanë shfrytëzuar uljen e akcizës nga shteti për të trashur marzhën e fitimit për vete, duke ri-ngritur çmimet vetëm pak ditë pas zbritjes fillestare”, ka shkruar ai në llogarinë e tij në Facebook.
Dy-tri fjalë Murati i pati edhe për opozitën.
Sipas tij nuk është hera e parë që në emër të dhembshurisë për qytetarët, partitë e gardës së vjetër me para të buxhetit tentojnë t’u bëjnë favore bizneseve të caktuara.