Kandidati për kryeministër nga Partia Demokratike e Kosovës, Enver Hoxhaj,e ka ftuar edhe një herë kryetarin e Lëvizjes Vetëvendosje, Albin Kurtin, që të përballet në debat me të.
Këtë ftesë Hoxhaj e bëri gjatë një takimi me fermerët e komunës së Rahovecit .
- Advertisement -
“Meqë Albini po i ikë debatit, nuk po guxon me dalë në debat, a nja 4, 5 vite thoshte në Kuvend të Kosovës dilni matnu, edhe unë po i them që 7, 8 javë dil matu se ai nuk ka program, nuk dëshiron me pas program, nuk i interesojnë interesat e qytetarëve të Rahovecit, nuk i intereson bujqësia.
Ai mendon që rrushi piqet vetëm duke e pa, jo punën që e bëni ju.
I vetmi subjekt politik serioz në këto zgjedhje për ta udhëhequr vendin është Partia Demokratike e Kosovës dhe jam unë”, ka thënë ai.
- Advertisement -
Hoxhaj e kishte ftuar edhe më herët Kurtin në pesë debate televizive për të debatuar për çështje të ndryshme të rëndësishme për vendin.