Hanife Osmani, anëtare e kryesisë së PDK-së në Mitrovicë, ka reaguar për garancën e ofruar nga presidenti kroat, për ish-krerët e UÇK-së që po gjykohen në Hagë.
Osmani ka kujtuar rastet kur presidenti Rugova kishte ofruar garantimin për lirimin me kusht të Ramush Haradinajt, e poashtu ajo ka kujtuar edhe lobimin e presidentit Thaçi për lirimin nga burgu të Albin Kurtit.
“Politikanët e mëdhenj i definojn vendimet e mëdha, të vegjëlit i përcakton egoja e pushteti autoritar” shkruan ajo në facebook.
Postimi i plotë:
Ibrahim Rugova garantoi për lirimin me kusht të #RamushHaradinajt, në vazhdimësi të kësaj Nexhat Daci garantoi për lirimin me kusht të #FatmirLimajt, ndërsa sot në shtetin e coptuar dikur e të formuar sot me të gjitha pjesëzat e bukura e të thyera të saj si e pavarur e me akter politikë, i huaji të del zot e i yti ti v’non prangat.
Presidenti Kroat #ZoranMilanoviq ofroi garancën për gjykim në liri të çlirimtarëve të Kosovës.
Vlenë për tu përmendur, kur Albin Kurti ishte i burgosur në Beograd, Hashim Thaçi kishte kërkuar dhe lobuar për lirimin e tij.
Përtej politikave të brendshme, e urrejtjeve fundamentale partiake, është e ultë e jashtë çdo instrumenti matës papërgjegjësia e krerëve tanë institucional, operimi egotik, çasja përjashtuese, e motivi përçarës.
Politikanët e mëdhenj i definojn vendimet e mëdha, të vegjëlit i përcakton egoja e pushteti autoritar.