Instituti Kombëtar i Shëndetit Publik sot ka konfirmuar 53 raste të reja në territorin e Kosovës, shkruan IndeksOnline.
Pas numrit të rritjes së shpejt të rasteve të reja, infektiologu Krasniqi u ka bërë apel kosovarëve që të i mbajnë masat e të mos i shtrëngojnë duart.
Ai i porositi qytetarët që të përshëndeten me zemër e jo më duar.
“Qytetarë të nderuar,
Ju lutem,
MBANI MASKAT!
MOS I SHTRENGONI DUART!
Përshëndetuni me zemër – JO me duar”, ka shkruar ai.
Sonte rastet e reja me koronavirus janë nga këto komuna: komuna e Vushtrrisë 18 raste (sipas vendbanimit: 11 raste Stanovc i epërm, 4 raste Vushtrri, 1 rast Gllavotin, 1 rast Maxhunaj dhe 1 rast Dumnicë e poshtme), komuna e Prishtinës 18 raste (sipas vendbanimit: 18 raste Prishtinë), komuna e Istogut 11 raste (sipas vendbanimit: 11 raste Shushicë), komuna e Rahovecit 3 raste (sipas vendbanimit: 3 raste) dhe me nga 1 rast vendbanimet: Fushë Kosovë, Skifteraj-Viti dhe Pejë.