Gjendja shëndetësore e personave të prekur me coronavirus (COVID-19), është stabile.
Kështu ka bërë të ditur për Reporteri.net Valbon Krasniqi, infektolog në Klinikën Infektive të QKUK-së.
- Advertisement -
“Për momentin kemi 10 pacientë të shtrirë në Klinikë të konfirmuar me COVID-19.
Gjendja e tyre shëndetësore është e mirë, me përjashtim të pacientit të moshuar nga Vitia që është pak më e rënduar, i cili ka nevojë herë pas here për oksigjenoterapi, por edhe gjendja e tij shëndetësore për momentin është stabile”, tha Krasniqi për Reporteri.net.
Ai ka thënë se po presin që gjatë ditës dy prej pacientëve t’i lirojnë për në shtëpi.
- Advertisement -
Ndryshe, numri i personave të prekur me koronavirus në Kosovë ka shkuar në 16.
Instituti Kombëtar i Shëndetit Publik në Kosovë, ju ka bërë sërish thirrje qytetarëve të rrinë në shtëpi dhe të kujdesen për higjienën.